පිළිතුරු විවරණය 2013 රචනා
5. (a) ප්රෝටීන වල මූලික රසායනික ස්වභාවය සහ කෘත්ය විස්තර කරන්න.
- ඇමයිනෝ අම්ලවලින් සෑදි ඇත.
- ප්රෝටීන සැදීමට ඇමයිනෝ අම්ල අණු වර්ග විස්සක් සහභාගි වේ.
- මූලද්රව්ය සංයුතිය C,H,O, N සහ S වේ.
- ප්රෝටීන සියල්ල මහා අණු වේ.
- ඇමයිනෝ අම්ල වල රේඛීය බහුඅවයවික වේ.
- ප්රෝටීන වල ඇමයිනෝ අම්ල පෙප්ටයිඩ බන්ධන මගින් බැඳී ඇත.
- ඇමයිනෝ අම්ල වල -NH2/ඇමයිනෝ කාණ්ඩයක් සහ
- -COOH කාණ්ඩයක්
- ඇල්කිල් / R කාණ්ඩයක් සහ හයිඩ්රජන් පරමාණුවක් ඇත.
- ඇමයිනෝ අම්ල උභයගුණී ගුණ පෙන්වයි.
- ප්රෝටීන වල සංකීර්ණ ව්යුහය ආකාර 4 කි.
- ප්රාථමික ව්යුහය
- පෙප්ටයිඩ් බන්ධන මගින් සම්බන්ධ වීමෙන් රේඛීයව සකස් වූ ඇමයිනෝ අම්ලවල අනන්ය අනුපිළිවෙළකි.
- ද්විතියික ව්යුහය
- එකම පොලිපෙප්ටයිඩ දාමයක පිටකොන්දේ ඇති, ඔක්සිජන් පරමාණු සහ නයිට්රජන්වලට සම්බන්ධ හයිඩ්රජන් පරමාණු අතර, ඇති වන අන්තඃ අණුක හයිඩ්රජන් බන්ධන නිසා
- ප්රාථමික ව්යුහය තැනී ඇති තනි පොලිපෙප්ටයිඩ දාමය දඟර ගැසීමෙන් සහ නැමීමෙන් ද්විතීයික ව්යුහය සෑදේ.
- α හෙලික්ස – උදා: කෙරටීන්
- β රැළිතල ආකාරය- උදා: මකුළුවාගේ සිල්ක් තන්තු
- තෘතීයික ව්යුහය
- ඇමයිනෝ අම්ලවල අංශදාම/ R කාණ්ඩ අතර, ඇති වන අන්තර් ක්රියා නිසා
- (සාමාන්යයෙන්) ද්විතීයික පොලිපෙප්ටයිඩ දාමය පුළුල් නැමීමෙන් සහ එතීමෙන් ඇති වන
- නිශ්චිත,
- සුසංහිත,
- අනන්ය වූ
- කෘත්යමය සහ ත්රිමාන හැඩයයි.
- හයිඩ්රජන් බන්ධන, ඩයිසල්ෆයිඩ බන්ධන, අයනික බන්ධන සහ වැන්ඩවාල් අන්තර්ක්රියා(ජලභීතික අන්තර්ක්රියා)
- තෘතීයික ව්යුහයට උදා: බොහෝ එන්සයිම/ මයෝලොබීන්/ ඇල්බියුමින්
- චතුර්ථ ව්යුහය
- එක් කෘත්යාත්මක ප්රෝටීනයක් සැදීමට පොලිපෙප්ටයිඩ දාම දෙකක් හෝ කිහිපයක් එක් වී සාදන ව්යුහයයි.
- උදා: හිමොග්ලොබීන්, කොලැජන්
- උත්ප්රේරක ලෙස
- ජෛව රසායනික ප්රතික්රියා උත්ප්රේරණය කරයි
- පෙප්සීන්/ ඇමයිලේස්/ ඕනෑම එන්සයිමයක් සඳහා
- ව්යුහමය ප්රෝටීන
- කෙරටීන් -වියළීම වළක්වයි. / කොලැජන් - ශක්තිමත් බව සහ සන්ධාරණය ලබාදෙයි.
- සංචිත කෘත්ය
- ඕවැල්බියුමින් - බිත්තරවල සංචිත ප්රෝටීනය/ කේසීන් - කිරිවල සංචිත ප්රෝටීනය
- පරිවහනය
- හිමොග්ලොබීන් - O2 සහ CO2 පරිවහනය/ මස්තු ඇල්බියුමින් - මේද අම්ල පරිවහනය
- හෝමෝන
- ඉන්සියුලීන්/ග්ලූකැගන් - රුධිර ග්ලූකෝස් මට්ටම යාමනය කරයි
- සංකෝචක/ චාලක ප්රෝටීන -
- ඇක්ටීන්, මයෝසීන් සහ පේශි තත්තු සංකෝචනය
- ආරක්ෂක කෘත්ය -
- ඉමියුනොග්ලෝබියුලින් ආගන්තුක දේහ ඉවත් කරයි.
- විෂ - ධූලක/ සර්ප විෂ,
(b) ප්රෝටීන සංශ්ලේෂණයේදී RNA වල කාර්යභාරය සැකෙවින් පැහැදිලි කරන්න.
- ප්රෝටීන සංස්ලේෂණය සඳහා RNA වර්ග 3 ක් සහභාගී වේ.
- m-RNA / පණිවිඩකාරක RNA
- r-RNA/ පරිවහන RNA
- t-RNA / රයිබසෝමිය RNA
- තනි දාම DNA අච්චුවට අනුව,
- m-RNA අණුව අනුපූරක දාමයක් ලෙස සෑදේ.
- RNA පොලිමරේස් ප්රතික්රියාව ( mRNA සංස්ලේෂණය) උත්ප්රේරණය කරයි.
- මෙම ක්රියාවලිය ප්රතිලේඛනය / පිටපත් කිරීමයි.
- m-RNA අණුව න්යෂ්ටියෙන් ඉවතට ගොස් රයිබසෝමය සමඟ සම්බන්ධ වේ (සවි වේ).
- DNA අණුවේ ප්රවේණික කේතය (කෝඩෝනය) m-RNA මඟින් ගෙන යයි.
- මෙය ගෙන යන්නේ අනුපූරක නයිට්රජනීය භෂ්ම අනුපිළිවෙලක් ලෙසය.
- r-RNA, ඇමයිනෝ අම්ල සම්බන්ධ කිරීමට රයිබසෝමය මත ස්ථානයක් සපයයි.
- t-RNA අණුව විශිෂ්ට ඇමයිනෝ අම්ලයකට සවි වී ඇත.
- t-RNA අනුපුරක ප්රතිකෝඩෝනයක් දරන අතර එය විශිෂ්ට ඇමයිනෝ අම්ලයක් රයිබසෝමය වෙත ගෙන යයි./ ප්රතිකෝඩෝනයේ භෂ්ම ත්රිත්ව අනුපිළිවෙල t-RNA මඟින් ගෙන යන ඇමයිනෝ අම්ලය සමඟ සෘජුවම අදාල වේ.
- යාබද ඇමයිනෝ අම්ල අතර පෙප්ටයිඩ බන්ධන සැදේ.
- සෑදෙන පෙප්ටයිඩ් දාමයට නව ඇමයිනෝ අම්ල එකතු වේ.
- m-RNA අණුව දිගේ රයිබසෝමය ගමන් කරන විට
- පොලිපෙප්ටයිඩ දාමය සැදෙන අතර එය ප්රෝටීනයේ ප්රාථමික ව්යුහයකි.
- මෙම ක්රියා දාමය පරිවර්තනයයි.
ඕනෑම 50 × 3 – 150 ලකුණ
6. මිනිසාගේ රුධිර පීඩනය පිළිබඳ විස්තරයක් ලියන්න.
- රුධිරය වාහිනී තුළ ගමන් කිරීමේ දී රුධිරය මඟින් එම වාහිනී බිත්ති මත ඇති කරන බලය, රුධිර පීඩනය ලෙස හැඳින්වේ.
- ආකුංච පීඩනය.
- විස්ථාර පීඩනයයි.
- ආකුංච පීඩනය යනු වම් කෝෂිකාව සංකෝචනය වී මහා ධමනිය වෙත රුධිරය තල්ලු කර හැරීමේ දී ධමනි පද්ධතිය තුළ නිපදවෙන පීඩනයයි.
- විවේකි සාමාන්ය නීරෝගි වැඩිහිටියකුගේ ආකුංච පීඩනය 120 mmHg පමණ වේ.
- විස්ථාර පීඩනය යනු පූර්ණ හෘත් විස්තාරයක දී රුධිරය පිටවීම සමග ධමනි තුළ ඇති වන රුධිර පීඩනයයි.(හෘදය විවේකි අවස්ථාවේ)
- විවේකි සාමාන්ය නීරෝගි වැඩිහිටියකුගේ විස්තාර පීඩනය 80 mmHg පමණ වේ.
- ධමනි රුධිර පීඩනය මනිනු ලබන්නේ “ස්පිග්මොමැනෝ මීටරය” මගිනි.
- රුධිර පීඩනය සටහන් කිරීමේ දී 120/80 mmHg ලෙස ලිවිය යුතු ය.
- සංස්ථානික සංසරණයේ ධමනිවල ඇති රුධිර පීඩනය මගින්, දේහයේ අවයව තුළට හා පිටතට සිදු වන අත්යවශ්ය රුධිර ගැලීම පවත්වා ගනී.
- දවසේ කාලය
- ඉරියව්ව
- ස්ත්රී – පුරුෂ භාවය
- වයස
- ක්රියාකාරීත්වය
- ව්යායාම
- ආතතිය (චිත්තවේගි ආතති)/(නොසන්සුන් බව, භය හෝ කාංසාව)
- රුධිර පීඩනය බොහෝ සාධක මගින් තීරණය වේ.
- හෘත් ප්රතිදානය
- පර්යන්ත ධමනිකා වල ප්රතිරෝධය,
- හත් ස්පන්දන වේගය
- රුධිර පරිමාව,
- ධමනිකාවල සංකුචනය
- ධමනිකාවල විස්ථාරනය
- ධමනිකාවල බිත්තිවල ප්රත්යස්ථතාව
- හෘදයට ගලා එන රුධිර පරිමාව/ රුධිර පීඩනය යාමනය කරනු ලබන්නේ
- සුෂුම්නා ශීර්ෂකය
- ස්වයං සාධක ස්නායු පද්ධතිය (අනුවේගී/ ප්රත්යානුවේගි)
- ඇඩ්රිනලින් ( එපිනෙප්රින්)/ නොඇඩ්රිනලින්(නොඑපිනෙප්රින්
- වෘක්ක
- ADH
- ඇල්ඩොස්ටෙරෝන්
- රිනීන්/ ඇන්ජියොටෙන්සින්/ ඇන්ජියෝටෙසිනෝජන්
- සාමාන්ය මට්ටමට වඩා ඉහළ රුධිර පීඩනයක් කාලයක් තිස්සේ පැවතීම අධ්යාතතියයි.
- අධ්යාතතිය ඇති වීමට හේතු වන සාධක
- ස්ථුලතාව
- මධුමේහය
- පවුල් ඉතිහාසය
- දුම්බීම
- ක්රියාශීලිත්වයෙන් අඩු ජීවන පැවැත්ම
- අධික ලුණු පරිභෝජනය
- අධික මධ්යසාර පරිභෝජනය
- ආතතිය
- ධමනි බිත්ති මත අඩු ඝනත්ව ලිප්රොප්රෝටීන (LDL) තැන්පත් වීම.
- වකුගඩුවලට හානි වීම.
- අධිවෘක්ක සංකුලතා.
- හෘදයාබාධ (වැඩි වන හෘත් වේගය හා හෘත් සංකෝචනය හේතුවෙන්)./ කිරීටක ත්රොම්බෝසිය
- ආඝාතය (මස්තික රුධිර වහනය හේතුවෙන්)./ මස්තිෂ්ක ත්රොම්බෝසිය
- රුධිර වාහිනීවලට හානි වීම මගින් මරණය.
- සාමාන්ය මට්ටමට වඩා පහළ රුධිර පීඩනයක් කාලයක් තිස්සේ පැවතීම, මන්දාතතිය ලෙස හැඳින්වේ.
- කම්පනය.
- ඩෙංගු රක්තපාත උණ.
- ඉඳගෙන හෝ වැතිර සිට එක්වර නැගිටීම.
- අධික රුධිර වහනය/ රක්තපාත තත්ව.
- නිරාහාරව සිටීම.
- අඩු පෝෂණය.
- මේ මඟින් මොළයට සැපයෙන රුධිර ප්රමාණය අඩු වී යයි.
- කෙටි කාලීන සිහි නැතිවීම (ක්ලාන්තය)/මොළය හානි වීම
- දිගුකාලීනව පැවතීම මරණය ද සිදු විය හැකිය.
50 × 3 = 150 ලකුණු
7. (a) ප්රභාසංස්ලේෂණයේ ගෝලීය වැදගත්කම සැකෙවින් විස්තර කරන්න
- සියලුම ජීවීන්ට ඍජුවම හෝ වක්රාකාරව ආහාර සැපයීම (මගින් ජීවීන්ගේ කාබන් හා ශක්ති අවශ්යතාව සපුරාලයි.)
- ස්වායු ජීවීන්ගේ ස්වසනයට අවශ්ය O2 සපයයි.
- වායුගෝලයේ O2 හා CO2 සමතුලිතතාව පවත්වා ගනියි.
- ෆොසිල ඉන්ධන නිපදවයි.
- ගෝලීය උෂ්ණත්වය පවත්වා ගනියි.
(b) ප්රභාසංස්ලේෂණයේදී ආලෝකයේ කාර්යභාරය පැහැදිලි කරන්න.
- ප්රභාසංස්ලේෂණය සඳහා, ආලෝකය මගින් ශක්තිය සපයයි.
- ආලෝක ප්රතික්රියාවේදී ඔක්සිහරණය වූ NADP/NADPH සහ ශක්තිය ATP ලෙස නිපදවයි..
- ප්රභාසංස්ලේෂණයේ ආලෝක ප්රතික්රියා සඳහා දෘශ්ය වර්ණාවලියේ නිල් හා රතු පරාස භාවිතා කරයි.
- ආලෝක ප්රතික්රියාවේදී ආලෝක ශක්තිය (ෆෝටෝන) ක්ලෝරපිල් සහ
- කැරොටිනොයිඩ මගින් අවශෝෂණය කරනු ලබන අතර, ඒවා
- ආලෝකය ලබා ගන්නා/ ඇන්ටෙනා සංකීර්ණයේ පිහිටා ඇත.
- ඇන්ටෙනා සංකීර්ණය මගින් අවශෝෂණය කල ආලෝක ශක්තිය
- ප්රතික්රියා මධ්යස්ථාන සංකීර්ණයේ ඇති ක්ලොරපිල්වලට යවයි.
- ප්රතික්රියා මධ්යස්ථාන සංකීර්ණය තුළ ප්රාථමික ඉලෙක්ට්රෝන ප්රතිග්රාහකයෙක් ද ඇත.
- ඇන්ටෙනා සංකීර්ණය හා ප්රතික්රියා මධ්යස්ථාන සංකීර්ණය ප්රභා පද්ධතියක අන්තර්ගත වේ.
- ප්රභා පද්ධති පංජර කණිකා පටලයේ (තයිලකොයිඩ වල) පිහිටයි.
- ආලෝකයේ ෆෝටෝන, වර්ණක මත ගැටීම ( අවශෝෂණය) නිසා ප්රභාපද්ධති II හි ඉලෙක්ට්රෝන අධිශක්ති මට්ටමකට උද්දීපනය වේ.
- එම ඉලෙක්ට්රෝන ප්රභාපද්ධති II හි ප්රාථමික ඉලෙක්ට්රෝන ප්රතිග්රාහකයා මගින් ප්රතිග්රහණය කර ගනී.
- එන්සයිම උත්ප්රේරිත ප්රතික්රියා මගින් ජලය විච්ඡේදනය වී, ප්රතිඵලයක් ලෙස
- O2 වායුව,
- H+ අයන හා
- ඉලෙක්ට්රෝන නිදහස් කරයි.
- එම ඉලෙක්ට්රෝන උද්දීපනය වූ ප්රභාපද්ධති II හි (P680) උදාසීන කිරීම සඳහා යොදවයි.
- ෆෝටෝන ලෙස වර්ණක මත ගැටෙන ආලෝක කිරණ නිසා ප්රභා පද්ධති I (P700) හි ඇති ඉලෙක්ට්රෝන අධිශක්ති මට්ටමකට උද්දීපනය වේ.
- උද්දීපනය වූ ඉලෙක්ට්රෝන ප්රහා පද්ධති I හි ප්රාථමික ඉලෙක්ට්රෝන ප්රතිග්රාහකයා විසින් ප්රතිග්රහණය කරනු ලබයි.
- ප්රභා පද්ධති II උද්දීපනය වී නිදහස් වූ ඉලෙක්ට්රෝන ප්රභා පද්ධති II හි ප්රාථමික ඉලෙක්ට්රෝන ප්රතිග්රාහකයාගේ සිට ඉලෙක්ට්රෝන ප්රතිග්රාහක ශ්රේණියක් හරහා ගමන් කර,
- ප්රභා පද්ධති I වෙතට පැමිණ, උද්දීපනය වූ ප්රභාපද්ධති I උදාසීන කරයි.
- මෙලෙස ඉහළ ශක්ති මට්ටමක සිට පහළ ශක්ති මට්ටමකට ඉලෙක්ට්රෝන පැමිණිමේ දී
- නිදහස් වූ ශක්තිය ATP සංශ්ලේෂණයට යොදවනු ලබයි.
- මේ ක්රියාවලිය “ප්රභා පොස්පොරලීකරණය” ලෙස හඳුන්වයි.
- ප්රභා පද්ධති I හි ද උද්දීපනයට ලක් වී, එහි ප්රාථමික ඉලෙක්ට්රෝන ප්රතිග්රාහකයා මඟින් ප්රතිග්රහනය කළ ඉලෙක්ට්රෝන වෙනත්
- ඉලෙක්ට්රෝන ප්රතිග්රාහක ශ්රේණියක් (ඉලෙක්ට්රෝන වාහක ශ්රේණියක්) හරහා ගමන් කර
- NADP ඔක්සිහරණය කර එහි ප්රතිඵලයක් ලෙස NADPH සාදයි.
- NADP ඔක්සිහරණ ක්රියාවලිය NADP රිඩක්ටේස් එන්සයිමය මගින් උත්ප්රේරණය කරයි.
- මේ ක්රියාවලිය රේඛීය ඉලෙක්ට්රෝන ගලනය ලෙස හැඳින්වේ.
- ආලෝක ප්රතික්රියාවේ නිපදවූ ATP සහ NADPH යොදා ගන්නේ
- (ප්රභාසංස්ලේෂණයේ) CO2 තිරකිරීමේදී
- කාබෝහයිරේට නිපදවීමටයි.
38 ×4 - 152
උපරිම ලකුණු 150 යි
8. (a) ජෛව විවිධත්වය යන්නෙන් අදහස් කරනුයේ කුමක්දැයි පැහැදිළි කරන්න.
- ජෛව විවිධත්වයට පෘථිවිය මත ඇති සියලු ආකාරවල ජීවය අයත් වේ.
- භෞමික, සාමුද්රික (කරදිය) සහ වෙනත් පරිසර පද්ධතීන් ද ඇතුළත්
- සියලු ප්රභවයන්ට අයත් ජීවීන් අතරත්
- ඔවුන් පරිසරය සමඟ කරනු ලබන පරිසර විද්යාත්මක අන්තර්ක්රියා අතරත් ඇති
- විවිධත්වය (විචල්යතාව/ වෙනස්කම් සමස්තය) ජෛව විවිධත්වය නම් වේ.
- ජෛව විවිධත්වයේ සංඝටක 3කි.
- ප්රවේණි විවිධත්වය,
- ජෛව විවිධත්වයේ මූලික සංරචකය වන්නේ විශේෂයන් තුළ සහ විශේෂ අතර ඇති ප්රවේණික විවිධත්වයයි.
- විශේෂ විවිධත්වය
- පාරිසරික ප්රජාවක විශේෂ සංඛ්යාව (= විශේෂවලින් පොහොසත් බව) සහ ඒවායේ බහුලතාවයි.
- පරිසර පද්ධති විවිධත්වය
- ජෛව ලෝකයේ වාසස්ථාන, ජීවී ප්රජා සහ පාරිසරික ක්රියාවල විවිධත්වයයි.
(b) ජෛව විවිධත්ව හායනයට හේතු ලැයිස්තුගත කරන්න.
- වාසස්ථාන අහිමි වීම/ ඉඩම් කැබලි කිරීම.
- කෘෂිකාර්මික ක්රියාකාරිත්වයන්,
- කර්මාන්ත සහ
- මානව ජනාවාස පිහිටුවීම සදහා
- මහා පරිමාණයෙන් සිදුවන වනාන්තර එළි කිරීම/ වන විනාශය.
- (ශාක හා සත්ත්ව විශේෂ) අධිපරිභෝජනය
- පරිසර දූෂණය
- ආක්රමණික ආගන්තුක විශේෂ හඳුන්වා දීම
- දේශගුණ විපර්යාස
- කෘෂිකර්මය නිසා ඇතිවන ප්රවේණික හායනය (සම්ප්රදායික විශේෂ අවතැන් වීම මඟින්)
(c) ජෛව විවිධත්වය සංරක්ෂණය කිරීම සඳහා ජාතික හා ගෝලීය මට්ටමෙන් ගෙන ඇති ක්රියා මාර්ග කෙටියෙන්
විස්තර කරන්න.
- සංරක්ෂණ ක්රියාදාමයේ ප්රධානම අරමුණ ජීව විශේෂ උපරිම සංඛ්යාවක දිගුකාලීන පැවැත්ම තහවුරු කිරීමයි.
- වඳ වී යෑමේ තර්ජනයට මුහුණ පා ඇති ජීව විශේෂ විශේෂයෙන් සුරැකිය යුතු අතර,
- ඔවුගේ ප්රජනන ක්රියාවලිය නොකඩවා පවත්වාගෙන යෑම හා ඔවුන්ගේ පැවැත්ම තහවුරු කිරීම සඳහා පියවර ගත යුතු ය.
- සංරක්ෂණය ආකාර දෙකකට සිදු කළ හැකි ය.
- ස්ථානීය සංරක්ෂණය
- විතැන් සංරක්ෂණය
- ස්ථානීය සංරක්ෂණය/ මුල් තැන් සංරක්ෂණය
- මෙහි දී ජීව විශේෂයේ ආරක්ෂාව සහ ඔවුන්ගේ ප්රජනනය
- ස්වාභාවික වාසස්ථානයේ දී තහවුරු කෙරේ.
- මූලික වශයෙන් විශාල ගහනයක් සහ
- ප්රමාණවත් වූ උචිත වූත් වාසස්ථාන තිබෙන බවට වගබලා ගත යුතු ය.
- උදා: ජාතික උද්යාන, වන රක්ෂිත,
- අභය භූමි,
- විතැන් සංරක්ෂණය/ පරිබාහිර සංරක්ෂණය
- විශේෂය ස්වාභාවික වාසස්ථානයෙන් ඉවතට ගෙන,
- නොනැසී ජීවත් වන සේත්, ප්රජනනය තහවුරු වන සේත්
- වෙනත් ස්ථානයක දී රැක බලා ගැනීම මෙහි දී සිදු වේ.
- ස්වභාවික වාසස්ථානයට සමාන තත්ව ඇති කළ යුතුයි.
- උදා: සත්ත්වෝද්යාන/ කැස්බෑ රැකුම්හල්
- උද්භිද උද්යාන
- ජාන බැංකු/ බීජ බැංකු
(c) ජෛව විවිධත්ව සංරක්ෂණය හා සම්බන්ධ පනත් හා සම්මුති
- CITES/ අන්තරායට ලක්වූ ශාක හා සත්ත්ව විශේෂ වල අන්තර්ජාතික වෙළඳාම පිළිබඳ සම්මුතිය
- වන සතුන්ගේ අං සහ සම් වැනි නිදර්ශක සහ සම්පූර්ණ ශාක හෝ ශාක කොටස් අන්තර්ජාතික වෙළෙඳාම මඟින්,
- ඒවායේ පැවැත්මට තර්ජනයක් නොවන බව තහවුරු කිරීම./ (ශාක හා සත්ත්ව විශේෂවල අන්තර් ජාතික වෙළඳාම ඔවුන්ගේ පැවැත්මට තර්ජනයක් නොවන ලෙස පවත්වාගෙන යාමයි.)
- ජෛව විද්යාත්මක විවිධත්ව සම්මුතිය
- එහි අරමුණ ජෛව විද්යාත්මක විවිධත්ව සංරක්ෂණය
- ජෛව විද්යාත්මක විවිධත්වයේ සංරචක වල තිරසාර භාවිතය සහ
- ප්රවේණික සම්පත් නිසා ලැබෙන ප්රතිලාභ සාධාරණ හා සමානාත්මතාවෙන් යුතුව බෙදා ගැනීමයි.
- රම්සාර් (RAMSAR) සම්මුතිය/ තෙත්බිම් සඳහා වූ සම්මුතිය (අන්තර් ජාතිකව වැදගත්වන, විශේෂයෙන්ම ජලජ පක්ෂි වාසස්ථාන පිළිබඳවයි.)
- තෙත්බිම් සහ ඒවායේ ඇති සම්පත් සංරක්ෂණ සහ නැණවත් පරිහරණය සඳහා රාමුවක් සපයයි.
- ශාක සහ සත්ත්ව සංරක්ෂණ පණත/ ආඥාව
- ශ්රී ලංකාවේ ශාක හා සතුන්ට(වන ජීවීන්ට) ආරක්ෂාව සැලසීම පිළිබඳ පණත/ ආඥාවයි.
- එමගින් ජාතික වනෝද්යාන, වන පිවිසුම්, දැඩි ස්වභාවික රක්ෂිත, අභයභූමි පිහිටුවීමට ඉඩ සලසයි.
50 × 3 = 150 ලකණු
9. (a) ප්රතිසංයෝජන DNA තාක්ෂණය යනු කුමක්ද?
- වෙනස් ප්රභව වලින් ගත් DNA එකට එකතු කර
- ස්වභාවයේ හමුනොවන අනුක්රමයක් සහිත DNA අණුවක් නිර්මාණය කිරීමයි.
(b) ප්රයෝජනවත් සත්ත්ව ප්රෝටීනයක් නිපදවිය හැකි ප්රතිසංයෝජිත බැක්ටීරියාවක් නිපදවීමේ ප්රධාන පියවර
විස්තර කරන්න.
- ප්රයෝජනවත් ප්රෝටීනයක් සෑදීමට අවශ්ය සත්ව ජානය හඳුනා ගැනීම.
- සත්ව ප්රභවයෙන් DNA විසංගමනය. එහි මූලික පියවර වන්නේ,
- සමජාතීයකරණය හෝ සෛල බිඳ දැමීම
- DNase නිෂේධනය
- නියුක්ලියෝප්රෝටීන සංකීර්ණ විඝටනය
- අපවිත්රකාරක ඉවත් කිරීම
- DNA අවක්ෂේපණයයි.
- විසංගත කල DNA සීමා එන්සයිමය/රෙස්ට්රික්ෂන් එන්ඩොනියුක්ලියේස් එන්සයිමය මගින් සීමිත ජීරණය
- ඇගරෝස් ජෙල විද්යුතාගමනය මගින් DNA ඛණ්ඩ වෙන් කිරිම.
- අවශ්ය නියුක්ලියෝටයිඩ අනුපිළිවෙළ සහිත නිවැරදි ඛණ්ඩ ඒෂණ භාවිත කරමින් හඳුනා ගැනීම.
- සුදුසු බැක්ටීරියාවක් තෝරාගැනීම. (සෛල ප්ලාස්මයේ කුඩා චක්රීය DNA සහිත)
- සලකුණු ජානයක් සහිත/දන්නා ප්රතිජීවක ප්රතිරෝධී ජානයක් සහිත/ ප්රතිරෝධකතාවය.
- Ori/ ප්රතිවලිත ආරම්භය සහිත
- බහුවිධ ක්ලෝනකරණ ස්ථාන සහිත
- ප්ලාස්මිඩයක් වාහකය ලෙස තෝරා ගනී.
- බොහෝ විට මේ සඳහා E.coli බැක්ටීරියාව භාවිතා කරයි.
- බැක්ටීරියා ප්ලාස්මිඩ DNA වාහකයක් ලෙස ක්රියා කරයි. / සත්ත්ව ජානය ධාරක සෛලයට/ බැක්ටීරියාවට ගෙනයයි.
- DNA විසංගමනය මගින් බැක්ටීරියා ප්ලාස්මිඩය වෙන් කිරීම.
- වෙන්කර ගත් ප්ලාස්මිඩය සමාන (එම) DNA සීමා එන්සයිමය/රෙස්ට්රික්ෂන් එන්ඩොනියුක්ලියේස් එන්සයිමය මඟින් කපා ගැනීම.
- (සත්ව ප්රභවයෙන්) වෙන්කර ගත් DNA කොටස් ප්ලාස්මිඩ සමග මිශ්ර කිරීම/ ප්ලාස්මිඩයට ඇතුල් කිරීම.
- DNA ලයිගේස් එන්සයිම භාවිතයෙන් DNA කොටස් ප්ලාස්මිඩයට සම්බන්ධ කිරීම මඟින්
- ප්රතිසංයෝජිත ප්ලාස්මිඩ සාදා ගනියි.
- ප්රතිසංයෝජිත ප්ලාස්මිඩ බැක්ටීරියා සෛල තුලට ඇතුල් කරන්නේ.
- පරිනාමණය මඟිනි.
- ඝනාවාස සාදා ගැනීමට ප්රතිසංයෝජිත බැක්ටීරියා වගා කරයි.
- (සත්ත්ව ජානය සහිත) බැක්ටීරියා ඝනාවාස විශාල ප්රමාණයක් නිපදවා ගනී.
- සාර්ථක පරිනාමණය කල ඝනාවාස හඳුනා ගනු ලබන්නේ
- සලකුණු කල ප්රතිරෝධී ජාන රැගෙන යන වාහක/ ප්ලාස්මිඩ භාවිතා කර
- තෝරාගත් මාධ්ය/ අදාළ ප්රතිජීවකය අඩංගු මාධ්ය තුලදීය.
- ප්රතිසංයෝජිත බැක්ටීරියා මගින් ප්රයෝජනවත් සත්ත්ව වූ ප්රෝටීන නිපදවනු ලැබේ.
- උදා - මානව ඉන්සියුලීන්
- මානව වර්ධක හෝමෝනය/ මානව රුධිර කැටිගැසීමේ සාධක,
(30 × 5 = 150 ලකුණු)
10. කෙටි සටහන් ලියන්න.
(a) ක්ෂුද්ර ජීව විද්යාවේ දී භාවිතා කරනු ලබන ජීවානුභරණ ක්රම
- ජීවානුහරණයේ අරමුණ රෝපණ මාධ්යයක හෝ ඕනෑම ද්රව්යයක, ද්රවයක හෝ ස්ථානයක පවතින
- අන්තඃබීජාණු ද ඇතුළත්ව සියලු ආකාරයේ ක්ෂුද්රජීවීන් විනාශ කිරීමේ හා ඉවත් කිරීමයි.
- සියලුම වීදුරු භාණ්ඩ,
- රෝපණ මාධ්ය
- ආක්රමණික කටු ජීවානුහරණය කිරීමට සිදුවේ.
- විදුරු භාණ්ඩ (පෙට්රි දීසි, පිපෙට්ටු) උණුසුම් වායු උඳුන් වල ජීවානුහරණය කරයි/ වියළි තාපය
- 170°C උෂ්ණත්වයේ
- පැය 2 ක් තැබීම මගින් සිදු කරයි.
- ආක්රමණික පුඩු/ කටු විවෘත දැල්ලට ඇල්ලීමෙන්ද
- රෝපණ මාධ්ය, තෙත් තාපය මගින් ජීවානුහරණය කරන්නේ
- පීඩන තාපකය මගිනි.
- වාෂ්පයෙන්
- වර්ග අඟලට රාත්තල් 15 ක පීඩනය/15 psi/ වායුගෝල පීඩන 1 යටතේ
- 121°C උෂ්ණත්වයේ,
- මිනිත්තු 15 ක් තැබීම
- තාප අස්ථායි ද්රව
- පටල පෙරහන් භාවිතයෙන් ජීවානුහරණය කෙරේ.
- තරම 0.01 - 0.45 μm වූ පෙරහන් භාවිතයෙනි.
( කරුණු 18යි )
(b) ශ්රී ලංකාවේ කඳුකර වනාන්තර
- නිවර්තන උප කඳුකර වනාන්තර
- මුහුදු මට්ට්ටමේ සිට 900m -1500 m අතර
- නිවර්තන ඉහළ කඳුකර වනාන්තර
- දර්ශීය කඳුකර වනාන්තර ආකාරයයි.
- මුහුදු මට්ටමෙන් 1500 mට ඉහළ උන්නතාංශවල ව්යාප්තව පවතී.
- නකල්ස් කඳු, පිදුරුතලාගල, හක්ගල
- සාමාන්ය උෂ්ණත්වය 16°C පමණ වන අතර,
- වර්ෂාපතනය 2000 mm පමණ වේ.
- නියං කාල රහිත ය.
- ඉහළ ආර්ද්රතාවක් ඇත.
- 13 m පමණ වන මිටි වියනකින් සහ
- ඝන පඳුරු ස්තරයකින් ලාක්ෂණික වේ.
- කුඩ හැඩ රවුම් වූ මස්තක සහ
- චර්මල (Leathery)
- කුඩා පත්ර දරන
- ඇඹරුණු අතු සහිත ශාක ඒවායේ ඇත.
- ප්රබල සුළංවලට ඔරොත්තු දීම සඳහා මෙසේ අනුවර්තනය වී ඇත.
- සදාහරිතය
- ස්ථරීභවනය පැහැදිලි නැත./ ප්රමුඛ නොවේ.
- අපිශාක ඉහළ ඝනත්වයකින් යුක්තව ව්යාප්තව ඇත.
- මේ වනාන්තරවල හමු වන ශාක සමහරක් වන්නේ,
- කීන (Callophyllum walkeri)/ වල් කුරුඳු (Cinnamomum ovalifolium)/ ගල් වෙරළු – Wild olive (Elaeocarpus montanus)
- ශ්රී ලංකාවේ කඳුකර වනාන්තරවල වාසය කරන සතුන් සමහරක් වන්නේ
- Sri lanka yellow eared bulbul – ශ්රී ලංකා පීත කන් කොණ්ඩයා/ Sri lanka highland shrew – ශ්රී ලංකා උස් බිම් හික්මීයා/ Sambar – ගෝනා
- තේ වගාව කඳුකර වනාන්තර මුහුණ දෙන ප්රධානතම මානව බලපෑමකි.
( කරුණු 23යි)
30× 5 = 150 ලකුණු
ගයාන් රත්නසූරිය B.Sc.(Colombo) Biologylab.org