Lesson Progress
0% Complete
ඇනිමාලියා රාජධානිය
ඇනිමාලියා රාජධානියේ ලාක්ෂණික ලක්ෂණ
- බහුසෛලික ය.
- විෂමපෝෂි සුන්යෂ්ටිකයෝ ය – ඔවුහු ආහාර අධිග්රහණය කරන අතර, එන්සයිම ආධාරයෙන් ඒවා ජීරණය කරති.
- සෛල සංවිධානය වී පටක සැදෙයි.
- වැඩි දෙනෙක් ලිංගික ප්රජනනය සිදු කරති.
- සමහරුන් අරිය සමමිතිය ද සමහරු ද්විපාර්ශවික සමමිතිය ද පෙන්වති.
ඇනිමාලියා රාජධානියේ ජීවීන් පිළිබඳ විස්තර කිරීමේදී භාවිතා කරන ලක්ෂණ
1. සමමිතිය
- සතුන් සමමිතිය අනුව අරීය සමමිතිය හා ද්විපාර්ශ්වික සමමිතිය ලෙස වර්ග කළ හැක.
2. ද්විප්රස්ථර ත්රිප්රස්ථර බව
- දේහයේ ජනක සෛල ස්ථර දෙකක් (බහිෂ් චර්මය සහ අන්තශ්චර්මය) පමණක් ඇති සත්ත්වයන් ද්විප්රස්ථරිකයන් වේ. උදා: Cnidaria වංශය
- දේහයේ ජනක සෛල ස්ථර තුනම(බහිෂ් චර්මය, මධ්ය චර්මය සහ අන්තශ්චර්මය) ඇති සත්ත්වයන් ත්රිප්රස්ථරිකයන් වේ. උදා: Nematoda, Mollusca, Annelida, Arthropoda, Echinodermata සහ Chordata වංශ
3. අසීලෝමික, ව්යාජ සීලෝමික හා සීලෝමික
- ත්රිප්රස්ථරිකයන් සතුව දේහ කුහරයක් පවතීද, නැද්ද සහ පවතී නම් එහි ආකාරය අනුව කාණ්ඩ 03කට බෙදා ඇත.
4. Protostomia සහ Deuterostomia
- ත්රිප්රස්තර සතුන් ප්රධාන කොටස් දෙකක් යටතේ පරිණාමය වී තිබේ. එනම් Protostomia සහ Deuterostomia ලෙසටයි. මෙම වර්ගීකරණය කලල විකසනයේදී හා කීට අවස්ථාවේ පෙන්වන ලක්ෂණ මත පදනම් වේ.
5. ඛණ්ඩනය
- දේහය බාහිරව හෝ අභ්යන්තරව, රේඛීය පුනරාවර්තන කොටස් වලින් සමන්විත වීමයි.
- සමහර ජිවීන් අභ්යන්තරවද( උදා: කෝඩේටා) සමහර ජීවීන් බාහිරවද(උදා: ආත්රපෝඩා) ඛණ්ඩනය පෙන්වන අතර ඇතැම් ජීවීන් බාහිර මෙන්ම අභ්යන්තර ඛණ්ඩනය(උදා: ඇනෙලිඩා) පෙන්වයි.
- කෝඩේටාවන්ගේ අභ්යන්තර ඛණ්ඩනය පෙන්වන්නේ “කොදු ඇට පේළිය” මඟිනි.
අමතර දැනුමට :